Ghana Revenue Authority fām Customs Division ebue wɔn Command Border post a ɛdi kan wɔ Mfinimfini Mantam mu wɔ Antado, a ɛbɛn Cape Coast.

Anammon yi botaeɛ ne sɛ ɛbɛboa ma dwadibɔ akɔ so yie wɔ saa kwan yi so na abɔ mfiridwuma ne dwa a ɛwɔ fie yi ho ban afiri mmara mu a kwan nni ho dwadibɔ ne nneɛma a wɔde ba a mmara mfa ho kwan ho.

Wɔ dwumadibea yi bueeɛ ase no, Ghana Revenue Authority mu Commissioner General, Anthony Kwasi Sarpong, hyɛɛ bɔ sɛ aban bɛma mmoa a ɛho hia na ama mpanyimfoɔ no de wɔn ahooden nyinaa agye toɔ ama Ɔman no.

Ɔkyerɛeɛ sɛ dwumadibea yi bueeɛ kyerɛ amannɔne afenafoɔ ne adwadifoɔ a yɛne wɔn di dwa sɛ Customs Division wɔ saa kwan yi so, wɔada hɔ, wɔwɛn, na wɔbɛbu akontaa.

Ɔsan hyɛɛ adwadifoɔ bɔ sɛ wɔrenfa saa dwumadibea yi nsi dwadibɔ kwan wɔ mantam no mu.

“Yɛnni ha sɛ yɛbɛsi dwadibɔ kwan. Yɛn man gyina nneɛma a ɛba kwan pa so; ɛma yɛn mfididwumayɛbea nneɛma, ɛhyɛ yɛn sotɔɔ nneɛma ma, na ɛka yɛn bɔ yɛn afenafoɔ ho. Ɛno ti yɛn kwan a yɛfa so wɔ Antado ne Customs Division nyinaa mu no gyina pɛpɛɛpɛyɛ so.” 

Ɔtoaaso sɛ “yɛboa dwadibɔ a mmara ma ho kwan: nneɛma gyeɛ a ɛyɛ ntɛm, akwan a wɔfa so a ɛda adi pefee, adwumayɛfoɔ a wɔatete wɔn a wɔte ECOWAS mmara, twam apam ahorow, ne wɔn a wɔsoa nneɛma no hokwan ahorow ase.” 

Ɔde wieeɛ sɛ “saa Command Post yi ne pɛpɛɛpɛyɛ no kyerɛeɛ a ɛda adi; ɛwɔ hɔ a ɛbɛsi kwan, ɛwɔ adwumayɛ nimdeɛ a ɛbɛgye obi fɛfɛɛfɛ, na ɛsiesie ho a ɛbɛyɛ adwuma.”