Ho-Dome Hemaa a ɔwɔ Asogli Traditional Area, Mama Atrato II, de anim kɔm sɛ aba a wɔtɔeɛ na ɛsiiedɔɔ Togbe Afede XIV kwan sɛ ɔbɛpɛ dibea a ɛtɔ so mmienu sɛ National House of Chiefs Mampanin.

Sɛnea ɔkyerɛ no, mpanimfoɔ a wɔpaw wɔn wɔ House of Chiefs mu no, sika ne adanmudeɛ ahyɛ mu ma papaapa, a ɛresɛe asoɛeɛ no animuonyam ne nokorɛdie.

Berɛ a ɔrekasa wɔ JoyNews Impact Makers Foundation nkɔmmɔdie a wɔato din “Democracy is not for Sale” so wɔ Fida, Kitawonsonsa 31 no, Mama Atrato II kaa sɛ aban mu mpanimfoɔ kyekyɛɛ kar ne sika na de nyaa aba a wɔtowee wɔ ahemfie asoɛeɛ no mu no so tumi.

“Sɛ yɛba yɛn ahemfo so a, adeɛ a ɛyɛ awerɛhosɛm kɛseɛ ne sɛ, sɛ wopɛ sɛ woyɛ House of Chiefs no Mampanin a, nneɛma a wɔyɛ ne sɛ wɔtɔ aba,” ɔno na ɔkae.

Ɔde sa suban a wɔaka ho nsɛm yi bataa pɔtee ne gyinaeɛ a Togbe Afede XIV sĩeɛ sɛ ɔrenpɛ dibea foforɔ bio no ho.

“Afei asemmisa no ne sɛ, adɛn nti na Togbe Afede ampɛ dibea a ɛtɔ so mmienu no? Ná wɔretɔ aba. Ná Aban rekyɛ kar ne sika. Ɛno nti na Togbe Afede ampɛ dibea a ɛtɔ so mmienu no,” sɛnea ɔde anim kɔmee.

Berɛ a Hemaa no kaa sɛ tebea no yɛ “animgaseɛ,” no, ɔgyee Asɛnnibea Kɛseɛ (Supreme Court) gyinaeɛ a ɛsɛee delegate nhyehyɛeɛ no toom, berɛ a ɔkae sɛ na ɛama porɔeɛ anya mu kwan kɛseɛ.

“Ɛyɛ animgaseɛ kɛse. Enti m'ani gye ho pa ara sɛ Asɛnnibea Kɛseɛ no agyae delegate nhyehyɛeɛ no. Na mekyea panellist foɔ a na wɔwɔ sa kuo no mu no nyinaa,” ɔkae.

Ɔtoaasoe sɛ, mpo ansa na obi bɛnya kwan ayɛ delegate no, ɛsɛ sɛ ɔtua sika ansa na wagye kwan awura aba tow nhyehyɛeɛ mu.

“Ansa na wobɛyɛ delegate mpo no, gye sɛ wotua sika. Ɛno yɛ ade baako. Ansa na wobɛyɛ delegate no, ɛsɛ sɛ wotua sika. Enti aba tɔ no abɛyɛ ade a ɛtena hɔ koraa,” ɔdae adi.

Mama Atrato II daa anidasoɔ adi sɛ delegate nhyehyɛeɛ a wɔagyae no bɛma ananmusie atu mpɔn na ama wɔapaw nnipa a wɔfata na wɔadi emu dena ama wɔn mantam mpuntuo awoɔ.

“Seesei a wɔagyae delegate nhyehyɛeɛ no, ma yɛnbɔ mpaeɛ na yɛnhwɛ sɛ yɛbɛnya nnipa pa a wɔbɛgyina hɔ ama mantam no,” ɔkae.

Ɔkasa tiai amanyɔfoɔ bi wɔ sɛ wɔdi wɔn ankorankorɛ mfasoɔ akyi sen sɛ wɔde mpuntuo bɛsi kan.

“Nnipa dodoɔ a yɛde wɔn si mbea bi no nnim sɛ mantam no hia nneɛma pii. Yɛn amanyɔfoɔ no wɔ hɔ ma wɔn ho ara, na wɔn kɔm nmee da,” ɔka kaa ho.

Hemaa no daa anidasoɔ adi sɛ aba a wɔtɔ a wɔbɛgyae no bɛbue kwan ama akandifoɔ a wɔfata na wɔatumi abisa na wɔatwe mpuntuo aba wɔn mampontam.

“Na yɛbɔ mpaeɛ sɛ berɛ a wɔagyae aba tɔ nhyehyɛeɛ no, yɛbɛnya nnipa a wɔfata a yɛde wɔn bɛsi mbea bi na wɔatwe mpuntuo aba mantam no mu,” ɔkae.